دروع المملكة

سلام يا حكام نجد الصلاطين
مثل الجبال الشامخات الرواسي
الله ينصركم على نصرت الدين
حيث ان نصر الدين للحكم أساسي
انتم ادروع المملكة بالميادين
بالسيف طوعتو لنا كل قاسي
انتم هل التوفيق والرفق واللين
وأهل القسا للي براسه أعطاسي
انتم على الدين الحنيف امتواصين
يوم ان بعض الناس للدين ناسي
انتم على حفظ العقيدة حريصين
ومقياسكم دايم رفيع المقاسي
ودستوركم سيد جميع القوانين
دستوركم بالشرع ثابت وراسي
وتاريخكم بمجلدات الدواوين
بالقمه العليا صعد ومتواسي
انتم لنا وانا لكم مستعدين
لا جا نهاراً صار به حبس الانفاسي
وحنا اعيال اللي على الحرب ضارين
لا كبرت القاله نزود بحماسي
عاداتنا بالضيق رجح الموازين
وحريبنا يشرب من الغبن كاسي
الحمد لله صايمين امصلين
بأمن وأمان وعدل الاحكام راسي
هندوس بن دغش المطيري