سلام..ياحر

سلام ياحرٍ تعلى بالأشهاد *** له ماكرٍ بحدود أرض الشمالي
حرٌ ينومس بالهدد كل صياد *** متفهق الجنحان حلو القبالي
أميرنا اللي له تواريخ وأمجاد *** يشيل حملٍ ماتشيله جبالي
رمز الشمال اللي لنا درع وسناد *** متواضعٍ شخصٍ كريمٍ مثالي
منّا وفينا للمهمات سدّاد *** بقلوبنا يسكن حشيمٍ وغالي
مبروك بالتمديد يا نسل الأجواد *** ثقه كريمه يا كريم السبالي
أنت الذي دايم عن الحال نشّاد *** للدار تسهر ما تنام الليالي
حامي شمال المملكة بجيش وعتاد *** من فضل ربي ما عليها خمالي
عرعر تبارك بالتهاني والانشاد *** عرعر وأهاليها وكل الرجالي
تمديد أبو خالد لنا أفراح وأعياد *** حيثه لنا نبعٍ قراحٍ زلالي
نبع المياه الصافية خيرها ساد *** ابن مساعد فيّنا والظلالي
للحق ميزانٍ حكيمٍ ومعتاد *** والظلم ماله عند شخصه مجالي
لأجل المواطن ما يجي عينه رقاد *** ويسهّل الصعبات لو هن طوالي
لي الفخر لا قلت أنا أشعارٍ جداد *** من فن فكري ما هو بنسج الخيالي
يااميرنا واقبل تحيات قصّاد *** عساك يارمز المهمات عالي