صوت الصورة

هذا حمام البر صابر على البرد
الله حماه بريش يفرح ويعتاش
يحذر من الصياد ويجزع من الطرد
ويبني على الأشجار له بيت واعشاش
علي رشيد الرشيد - رياض الخبراء
الجو بارد وكل شي عندنا مثلّج
ومن شدة البرد قامت ترجف اعظامي
أشوف بعض البشر من فوق تتزلج
ونذكر جبل لوز مشهورٍ بالاعلامي
عبدالله بن عبود السهلي – تبوك
لا ما زبنتي للدفا يا حمامه
تبوك برد وثلج لا تزبنينه
مرّي بدربك نجد وإنصي تهامه
أكل ودفا بسهولها تاجدينه
من نجد إسري ليل تحتك غمامه
موتك مع أهل الصيد ما تجهلينه
فهد بن عقيل الطويان - بريدة
يا طير لك يوم يحدك عن الحوم
لو طال بك وقتك سلامات يا طير
واللي يحسدونك على الريش كل يوم
لا يحسبون الوضع دايم على خير
إبراهيم بن ثواب الشبيشيري
آه يا قمري بجنحان الثلوج
من عقب ما كنت في جنح الغمام
اسجع بصوت تردده الفجوج
يا عسى يفداك من يبغى الهدام
إبراهيم بن راشد السبيعي
دار الفلك والجوز ايدبر وده
واضن جو الغرب يزحف علينا
يا طير ياللي مهاجر من حدوده
موتك دنى بالبرد والاعنينا
حمد عبدالله الوايلي - حوطة سدير
حمامةٍ بالثلج ما تقدر تطير
والثلج متراكم على جنحانها
والبرد مانعها ولا تقدر تسير
والجو غيّم وانتثر هتانها
في عشها تنظر إلى الوضع الخطير
برق .. ورعد يعقد سنا ربانها
عقلا خزن العنزي - تبوك
الثلج في منطقة تبوك
طير القماري منوخها
واد القماري طلع به شوك
بارد ولا هو مناسبها
غازي قاعد العتيبي – الدوادمي
القُمري اللي فوق غصون الأشجار
يغرد ويُطرب الناس بلحونه
اليوم في عشّه مثلج ولا طار
من الثلج ما يقدر يفتح عيونه
الله يجي بالربيع واطيح الأمطار
والشجر من الخضار تهزع غصونه
محمد سعد شبيب الجروي- الرياض
ولا يا الحمامه وين حظك رماك اليوم
رماك بتبوك ولا سلمتي من ثلوجه
ذبحك البرد والجو لا زال فيه غيوم
عسى الله يعينك شوفي الجو وفجوجه
ورزقك على الله في رجا الواحد القيّوم
وحذرا من الجوال والكهرب بروجه
مبارك بن محمد بن طرجم – وادي الدواسر
نامت على البيض قمريه
ما هي من الثلج موجوعه
أصل الأمومه غريزيه
في كل مخلوق مطبوعه
سعود عائش الحربي – القاهرة
مع الشتاء زادت برودة الطقس
حتى القميري الثلج راكب جناحه
والرحمه من الله بحرارة الشمس
إذا سطعت بالأرض تشفي جراحه
عبدالله علي الحوشاني - الرياض
الثلج يا قميري مالك عنه صده
في منطقة تبوك يحولك جماد
إن طعتني هاجر على بحر جده
تلقى الدفا والماء وحذر من الصياد
أحمد نايف العصيمي - الرياض
نستقبل مشاركاتكم على إيميل الخزامى:
rb-khozama@alriyadh.com
أو الفاكس رقم: 4871070
صورة العدد السابق