كان كاتب لغز الاسبوع الماضي الشاعر احمد السراد من الخبر والذي يقول : ويش رجال اشتهر باسم جميل وكايف بس ياكثر الذنوب اللي لفت باسبابه حل ضيف مايونس وكل شايف اسمه الطيب من يشوفه يثير اعجابه اقدر احلف ما دخل جده ولاجا الطايف واجزم انه ترتعد منه ملوك الغابه ومع المحاولات العديده لاقتناص الحل من الكثيرين الا انه لم يتوصل للحل وعلى اوزان مختلفه سوى حي راسك ياولد سراد لغزك كايف وانت لغزك حايفه واعطيكم الاجابه الربيع العربي شفته وانا له شايف المدافع تشتغل به والف ابو دبابه خليف العجيلي - الرياض حل لغزك مايبي له من قبلنا حايف بين قومٍ صايلة مع قوم جت حرابة الربيع العربي وكل واحد شايف واعسى الله يقلعه عنا ويغلق بابه .. بندر فوزان العنزي - تبوك لغز شفته بالخزامى وافي معنى وصايف ناظمه احمد سميي ابدع بطرقه وجابه بتونس الخضرا بدا تجمعوا صاروا ولايف الربيع العربي اسمه وتاصلك الاجابه احمد ناصر المحرج - الرياض اللغز واضح وأشهد أنه مصيب وكايف .. من اسمه الطيب تبيّن علته واسبابه لقيت حله والأوادم بين مايدري وبين العارف .. هذا ( الربيع العربي ) عساه يقفل بابه عبدالعزيز العنزي _ بريدة لي ثلاث ايام افكر وين بلقى بابه لا خريف ولا شتاء هذا الربيع الحايف اخلف العالم وكلن يضرب بمشعابه مقرن بن متعب الهرف - الرياض الربيع اللي ياطرا وانت يا السراد عارف ذا ربيعن مايونس جعل مانشقا به ذا ربيعن كلف العالم كثيرات الكلايف والمصيبه قلت يا السراد شفنا اسبابه سعد صنهات السهلي - الدرعية مرحبا بك يا أحمد السراد وأرق النايف جبت لك لغز(ن) جميل الطرق هجوا بابه الربيع العربي نقمه على المتهايف وأحمد الله ديرتي ما تقبل الخطابه صلاح بن عبدالله اليابس - رحيمة الشاعر السراد لغزك فيه كم وصايف شاعرٍ بيطار تكتب واعجبن كتابه ابرمع اللغز الذي عز الله انك حايف هذا الربيع العربي حلّق طوال اشنابه عبدالكريم الراشد التميمي الغزالة. وتوصل للحل نثرا علي الرشيد - رياض الخبرا - عقلاء مثقال العبدلي (الفويلق). لغز الاسبوع كتبه للصفحة الشاعر - احمد بن ناصر المحرج من الرياض ويقول انا بنشدك عن بنت لها ميزة عن الباقين جعلها ربي لبعض البشر علامة للزود لها وقع بالانفس لين شفناها مع الحيين وتراها واضحه باعلى العلا ماتبغي اي شهود نستقبل الحلول عبر الايميل [email protected] او الفاكس 014871070 كما نرحب بطرح الألغاز الجيدة.
