عيدية وطن

عيدك مبارك ياوطن عيدك مبارك ياالمليك
ويعود عيدك يالسعودي وانت عيد المملكه
انت السند وانت الذرى عن ماطمع اللي مايبيك
تذود عن دارك ليا من صاح صايح معركه
تستاهل التقدير وانت في كل انجاز(ن)شريك
وتسوق عمرك لاجل دارك مايجي فيه حركه
نعم الوطن نعم الرجال اللي تشوق ناظريك
مزبنين اللي برك بالحمل والحمل انهكه
يارجل الامن نقوم لك تقدير ونسلم عليك
والله يجعل ماتؤدي من عمل فيه بركه
والله يديم الامن والامان ويعز المليك
ويدوم عزك يالسعودي وانت عز المملكه
الشاعر فرج بن محمد الذويب