غربة عمر

ياغربة العمر فيني يانظر عيني
ياقصة أحزاني أولها وتاليها
يالموعد الي تماري به عناوني
وإما لقيته تهل العين مافيها
أنصفتي الناس لكنك ظلمتيني
والظلم ظلمك لنفسك يوم بعتيها
بعتي حياتك على الشاري وبعتيني
بعتي حياتي بحاضرها وماضيها
قصايدي فيك من بعدك تعزيني
والي خطر في هوى نفسي يعزيها
باللي خذت بالوفا ما تملك إيديني
وأعطتني من الجفا ماتملك إيديها
جارت علي من بعد ماجارت سنيني
والله لأمحي سنين الجور وأمحيها
أما على الموت والغربه تواسيني
وألا على الغدر والحرمان أواسيها
عبدالله علي الشمراني