رجل الأمن نايف

البقاء بك يا أبو متعب يا الحكيم
ثم بروس اخوانك اللي لك وشاح
بالتعازي كل شعبك لك يقيم
بفقد رجل الامن نايف يوم راح
في جوار الوالي العلي العليم
يا جعله بالجنة عنها ما يزاح
أمنا بعد أمن مولانا الرحيم
بحكمته مع اجتهاده بالكفاح
دايماً رايه اليا قاله سليم
بالسياسه ولا في خشم السلاح
الوطن مع المواطن والمقيم
اكبر صدمه جتلهم عقب انشراح
يوم ودعهم هاك الرجل الحليم
اخو نوره يوم عن دنياه زاح
العوض ببوفهد ملجا اليتيم
محزم عبدالله الياثار الصياح
وفي تلميذ الراحل الصقر العديم
ذخرنا احمد فيه تلتم الجراح
يا الله ياللي تحيي اعظاماً رميم
بقدرتك لولاتنا تكتب نجاح
نسل جامع شملنا الرجل العظيم
فوق صهوه بالسيوف وبالرماح
مشواح ثامر الشمري