حكمته تحسم الميقاف

احسن الله عزاكم يا طوال العمار
واحسن الله عزاء الإسلام والمسلمين
والله اني حزين ولا لحزني فرار
في فقيداً جمع ثنتين دنيا ودين
الحليم الحكيم اللي لدينه يغار
الكريم المحنك والقوي الامين
السياسة لقيناه بنص القرار
كم وكم سطر التاريخ طول السنين
كل ما كبرت القالات عنده صار
حكمته تحسم الميقاف بهون هوين
ان وقف للدعاوي قام يقدح شرار
يرشد الغاويين ويكعم العايلين
كيف نستوعب افراقه وما صار صار
يا الله انك تزودنا صبر يا معين
اشهد ان فقد نايف شب في الجوف نار
جعلنا مسلمين وللقدر صابرين
والعوض بعد نايف في طور الحرار
يا سعود ومحمد جعلكم سالمين
يا حماة الوطن والدين ليل ونهار
يا سلايل عزيز القوم ذرب اليمين
خالد بن محمد آل راجح القحطاني