تعزيز مبدا

النَار ثْورة وقت .. تِتحول تراب
عَلى نسانيس المشاريق تهدا
جَرح أمس عدا .. بَس باقي لي حساب
وش يضمن إن الجاي لامر عدا؟
ياصاحبي يا مِن لك الصدق .. وعتاب
مِن وين ببدها؟.. وهي صَعب تبدا
علمتني وشلون :- تطعن بلا ناب!
ومِن كل طعنة في ظلوعي تغدا !!
أبتركك قَبل البكاء .. يِفتح الباب
ليته قبل ما يِنزف الجرح .. وأمدا
ترى البكاء للموت في رأس الأسباب
لا صار له تبجيل بالوجه وأصدا
والدمعة اللي ضَحكت بعض الأقراب
بُكره تعلمني .. شلون أتصدا
ماهو دليل :( إن كنت تضحك لك أحباب)
وماهو دليل إن كنت تبكي لك أعدا
أحيان تِخفي ضِحكتك .. ثورة أتعاب
وأحيان تهدي الدمع .. مُجرد إهدا
يا حاني القذلة عَلى روس الأهداب
سامحني أرحل .. يِمكن العمر يبدا
وإن شِفتني يوم أهجرك بارد أعصاب
ماهو ردى في النفس ( تعزيز مبدا )
محمد حمد الطيار - حائل