قصيدة رثاء في والدي خالد بن محمد الضويان رحمه الله.. في ليلة ما ذقت أنا النوم ياهيه ماطب في عيني ولا يهتويني أنا احتري باكر ولا أعرف خوافيه يا واحدٍ نرجيه عسرٍ وليني جاني الخبر عجّل لعلك تلاقيه بين الرجا والموت حاله تشيني روحت وانا والفكر كثرت طواريه تلعب بي الأفكار وش يحتريني تجمعوا عنده ولفوا حواليه واثره من أول جاهم اللي يجيني أحدٍ يذكره الشهاده بأذانيه وانه على الاسلام دينه وديني واحدٍ سجد يطلب من الله ينجيه يلطف بحاله ارحم الراحميني يوم اذن المذن ولبى ملبيه في جمعة قامت تنافض يديني فاضت بها روحه وكلن يراعيه والموت حق والله اللي يعيني ياالله ياالرحمن ماخاب راجيه في جنتك يخلد مع الخالديني عبدالله بن خالد الضويان
