الضمير الحي

السحاب الي ذخرته من سنين
حن رعاده وبراقه برق
يالضمير الحي بين الميتين
ويالمصير الي تجمع وافترق
في سنا نورك ونيران الحنين
احترق قلبي وحبري والورق
واليدين الي تعانقها اليدين
كل ما بيدينها قلب احترق
شفت بعيونك مظاليم وأنين
وأشعلت فيني مواعيد الأرق
شفت فيها كلمتين ودمعتين
وشفت فيها ألف معنى للغرق
شفت فيها موعدين ودبلتين
وشفت فيها عمر كامل ينسرق
لا يعيش الحزن في الطرف الحسين
ولا يضيع العمر من كل الطرق
والضما لا تقطعه من قطرتين
دامك أعذب من سما حلمي وأرق
ودام تدري إن الحقيقة وجنتين
مستحيل إنه يغطيها ورق !
عبدالله علي الشمراني