صوت الصورة

احترت فالصوره وياالله عسى خير
للورد قيمة .. يوم للمال قيمه
الورد يغني عن كثير التعابير
ومكانته بين الحبايب عظيمه
سلطان سعد السهلي
- المجمعة
وردة جميلة جنبها خمس أميات
مصفوفةٍ في شكل بارع .. ومضبوط
في مثلها يا ناس أغلى الهديات
كم من هدية خّلت القلب مبسوط
عبدالمحسن بن محمد المحيسن - رياض الخبراء
بالغت بالمبلغ بقصد الهديه
لو هو بوجه الخير زود رصيدك
سته وخمسينٍ فئة خمس أميه
فكر بشيٍ لا دفعته يفيدك
علي رشيد الرشيد - رياض الخبراء
المال بالدنيا مع الورد زينه
مير ما دايم تجيب السعاده
صورةٍ إن هي حقيقه ثمينه
والا على الأقل تحمل إجاده
سعود عائش الحربي - جدة
عمله عزيزة بلا طغيان
الحمد للي ميسّرها
ولا بد يومٍ تجي طفران
تشقا .. وتتعب تدوّرها
عبدالكريم عبدالرحمن السلوم
- القرائن
ورد الحوية فاح يا مشترينه
توّه تفتح عقب سيل المخوله
من كل مشتل هب يا زين زينه
عسى القنوف الغر تروي حقوله
علي جابر الفيفي - بيشة
يا حلو الورد باليوم السعيد
وفرحة الأطفال تفرحنا جميع
بفرحة اليتمان كم خيرك يزيد
ننفق الاموال باللي نستطيع
محمد بن عبدالعزيز الخنيفر
من أول أيامي وصولٍ إلى القبر
لين آخر أحلامي و غاية طموحي
قدمت لك وردة هديه مع المهر
دفعت قيمتها من أعماق روحي
محمد بن شتير
يا رب ترزقني من الزرق كرتون
وأيضا مع الكرتون .. كرتون ثاني
عم الغلا وسهوم مع كثرة ديون
وسعر العقار يطير صابه جناني
عبدالكريم النغيمشي – الربيعية
المال نعمه يالوجيه السفيره
كم واحدٍ عزّه وغطى عيوبه
وكم واحدٍ عاقه وهبط مسيره
خلاه يمشي خالياتٍ جيوبه
حمد بن عبدالله الوايلي - حوطة سدير
هذا مهر بنتٍ مرتب ومصفوف
مع وردةٍ تشفي القلوب العليله
مرتّبة في شكل راقي وملفوف
يالله دخيل الذوق .. يالله دخيله
وائل عبدالله البلالي - الرياض