الرفقة

الله على الرفقه اللي عن دورب أهل الوفا ما تحيد
ربع(ن) من اللي ولو طال الزمن ما ترخص أصحابها
يا حيهم في زمان(ن) صار وضعه فايد ومستفيد
أشوف كم من صداقة والمصالح تصنع أسبابها
والرفقة اللي تغير دربها لا جا رفيق(ن) جديد
ذي رفقة(ن) لو تسايرها تبي تتعب وتشقى بها
هي الرفيق الذي لاحتجت له تلقاه نعم العضيد
ولا لرخا يا كثر ربع الرخا وغيري أدرى بها
العشره اللي على درب الوفا تعيش عمر(ن) مديده
واللي على مصلحة لا بد يوم وينقفل بابها
عبدالعزيز بن عبدالله البواردي - شقراء