يا ربي

لين أشرقت شمس يومي قلت ياربي
تجعل لنا في نهاية يومنا خيره
وافرج هموم مع الدنيا تراكم بي
وحرمان خل هجرني زادني حيره
لا جيت ابسلي مع السالين تشتبي
نار بجوفي واعاف الناس والديره
ولين اقبل الليل جا الهاجوس يلعبي
والخاطر المنكسر وشلون تجبيره
اشوف انا الناس كلٍ ما يبي قربي
واول وكلِ يبي شوفي وتدويره
يوم ان مالي على من شفت ينكبي
قد كا ن غيري يحسّب لقمة بعيره
يا الله يا اللي تعرف السر والمخبي
يا مالك الكون بين يديك تدبيره
يا جاعل المزن فوق الخلق تنصبي
يا رازق الناس من فضله ومن خيره
يا المعطي الباسط الوهاب تنظر بي
يا مغنيي ما طرالي اشكي لغيره
يا الله يا العاجل الرواف ترأف بي
وتمدني من عطا جودك وتيسيره
وترد خل عطا الهجران واسرف بي
خلٍ فراقه علي يا صعب تصويره
حبه برى الحال وفراقه شغف قلبي
يوم انه اقفى مع المقفين في السيره
هذا بجاه النبي واسماك يا ربي
يا فارج كرب يونس بعد تعسيره
عبدالإله العبدالعزيز الصنعاوي