شفاك ربك يا ملك واعتنى بك

شفاك ربك يا ملك وعتنابك
من حظ شعبك يوم طبت وتشافيت
لبسك ثوب العافية مع ثيابك
والحمد لله يا ملكنا تعافيت
الله يردك للوطن من غيابك
الشعب ما يرتاح لأمنك ابطيت
وإن جيت بأسرع وقت والله جابك
نفرش جبال طويق بالورد لاجيت
يا مرحبا مليون يا مرحبا بك
حييت بقلوب المخاليق حييت
بقلوب شعباً عايشن في رحابك
وعلى أرضك اللي في وطاها تمشيت
يا حاكماً للخير تسعى ركابك
حفظك رب البيت يا خادم البيت
الشعب في كل الأمور اعتزابك
وفي خدمته يا سيدي ما توانيت
لطيف مع شعبك ولين جنابك
كريمةً يمناك كفيت ووفيت
أ غنيت شعبك يا ملك وغتنابك
شعبك يحبك وانت للشعب حبيت
اعزك الله يا ملكنا وثابك
في كل ما تفعل وتبذل وسويت
علمك طلعبك للمعالي رقابك
على قمم مجد المعالي تعليت
درست علم المعرفة من شبابك
من فضل أبوك اللي بظله تربيت
عاهدت شعبك بالعدل وقتدابك
العدل ميزانك وبالعدل وصيت
ارسيت له عمدان وابيض كتابك
عوايد آل سعود بالحي والميت
كل الدول وشعوب تحسب حسابك
حكمتك وسياستك يا طيب الصيت
يعدل خطاهم يا ملكنا صوابك
رايك يقديهم وللحق ناديت
يا سيفنا اللي عزنا في نصابك
يا مسكت أعداء الدين بالفعل تسكيت
عزيز عوض محمد العتيبي