الجهات الأربع

ودي أعرف شي واحد بعد طول الغياب
من متى صرت اتجرا وصوتك ترفعه
كنت أظن إن جيتك تحمل أشواق وعتاب
وأثرك اللي جيتني يحمل سلاحه معه
لا تسلح بأسلحة وأنت تاليها مصاب
لأنك بتخسر غرامي وتخسر منبعه
صار عشقك فالهوى مثل طراد السراب
وأحمد الله يوم عنك كشفت الأقنعة
واكتشفت إن حبنا ما يجي ربع النصاب
كل ما امتد حبله خداعك يقطعه
جيت وأنت لابس الغدر ملباس الثياب
واللي مثلك خل غدره بوقته ينفعه
ما نويت أحاسبك... منت كفوٍ للحساب
لن جنابي ارفع إني لمثلك أخضعه
عزتي مبدأ حياتي على طيب الجناب
والذهب معروف بين العرب من مصنعه
طاب جرحي وأنت جرحك يزيد بك العذاب
شي طبيعي تحصد اللي بيدك تزرعه
روح يا جعله ذهابٍ ولا بعده إياب
ولاني من اللي على مثلك يحدر مدمعه