أهل السوالف

الزين لو ماتزين زين في عيني
مادام نفسي تود عيون مزيونة
نفسي وما تشتهي وش تفعل ايديني
مادام كل العيون تموت لعيونه
احلى دقايق حياتي يوم يدعيني
والايجيني في ...... على هونه
وافرح ولكن شعور الخوف يكويني
اخشى من اهل السوالف لايشوفونه
ياقوة الله من وقت يعاديني
والحظ والناس من دوني ومن دونه
ضيعت حلمي وضاعت بي عناويني
وللحين هذا التعب عيوا يحسونه
وش فعلتي يازماني يوم تنهيني
والى متى والحقيقة فيك مدفونه
يادمعة الحزن ذوبي واحرقي عيني
مالاق للعين غير تشوف مزيونه
ضيف الله المطوع