رابع سنة

رابع سنة مرت وانا في مكاني!
والناس من حولي يجون ويروحون!
كن الزمان اللي عطاهم نساني!
وكني من احساسي مجرد ومغبون!
واللي فرض نفسه علي وبلاني!
سؤال في صدري له سنين مدفون!
إلى متى تبقى الأماني / أماني؟
إلى متى وأكبر طموحاتنا / لون
ليه الزمان اللي حواهم نفاني!
وليه الأمل أصبح مقيد / ومرهون!
واللي عطيته للأسف وش عطاني!
واللي تذكرني .. قرابه يقولون!
وهذي على شانك وهذي عشاني!
وان كنت تشكرني انا حيل ممنون!
ماتت أمانينا .. وعاش الأناني!
ولاعاد باقي غير بإذن الله تهون!
رابع سنة مرت / أناجي زماني!
متى على الله / يازماني يحسون!
فواز الفهيد