كان البيت الماضي من طرح الشاعر سعود عائش الحربي من القاهرة حول الموضوع المقترح من الأخ حمود سعد الضويحي، الذي يناقش قضية المباني المستأجرة للمدارس وعدم ملاءمتها للتعليم والبيت يقول: أغلب مدارسنا على عقد وايجار متى على الله ننتهي من غثاها صدى البيت المنشور من الشعراء كثر ونعتذر عن نشر من كانت مشاركته دون حد مستوى النشر من النقد الهادف: لو شافها المسؤول نبراس الاحرار على الطبيعة كان يعرف مداها بعض المدارس عمرها فوق الأعمار ترى سقفها قد ذوى يا بلاها توشك على الطلاب يا سعود تنهار جدرانها متصدعة من رداها علي الزولاني، فيفا في الصيف ما تكتب (ألف) جوها حار حتى المدرس يشتكي من هواها ان صحح الدفتر لقا كله غبار درايش من شفاها ما بغاها حتى الكراسي ما بها شي دوار الله يعين المدرسة وقصراها أحمد الماضي، الرياض ترى المدير المخلص ولو صار بايجار انفع من اللي بالمباني تباهى لعيالنا يضحي ولا ساق الاعذار لو مكتبه تحت الدرج أو وراها ما هوب لاكبر غرفة يروح يختار ويخسر مصادر مدرسته وسواها عبدالعزيز علي الصالح، حائل مدارس التعليم في كل الأقطار معاهد تبنى والاخرى وراها بجهود أبو متعب صدر عبر الأقمار اسند مهمتها لرجل بناها الأمير فيصل اشتغل سر وجهار وبانت معالمها وكل يراها عبدالله ثمر الودعاني، سوريا ما هو صحيح اسمع تفاصيل الاخبار من عايش معها وفيها ايتباها دور الايجار استبدل بعدة أدوار مبنى حكومي كل جوده حواها قسم المباني شغلته أرض واعمار جدد قديمه والأراضي بناها فهد بن عقيل الطويان، بريدة هذي بلاد الخير وبلاد الاخيار تطور ملموس ودايم عطاها مدارس تبنى بها الكل يحتار في مملكتنا ولا لحقنا جزاها شفنا المباني موفره بكل الاقطار واللي موقت واصل منتهاها محمد بن عبدالعزيز الخنيفر، أشيقر بيت الأسبوع من طرح الشاعر عبيد عبدالله القحطان من المدينةالمنورة وذلك حول اقتراح الأخ تركي الشمري من الرياض حول ظلام الشوارع الداخلية للمدن وعدم إنارتها ويقول: الشوارع مظلمه والاناره غايبه وبعض الأحياء لا ظلم الليل يرعب شوفها نستقبل صدى البيت بثلاثة أبيات فقط تناقش موضوع عدم إنارة الشوارع الداخلية لأغلب الأحياء وأهمية إنارتها وذلك على الفاكس (4871070) [email protected] مقترح لموضوع بيت الأسبوع القادم بعث للصفحة الأخ فرحان بن سعد الممرط من مدينة جبة وهو موضوع المساومة في اعتاق الرقاب وطلب فدية تفوق الخيال.
