بيت الطين يبكي لمبكاي

يادار لو بشكي وش يفيد مشكاي
هبت هبوب وطرت معها كما الريش
لقيت بيت الطين يبكي لمبكاي
وينشد عن ارجال" لهم بالهوى طيش
يقول وين اللي تمادو على أجفاي
اللي عوايدهم فطاح" على العيش
وشفت الشعيب وريح نبته هو دواي
من فيض دمعه يروي اهل المطاريش
وجيت النخيل وقال وش هي خطاياي
أسنين وحنا صابرين" معاطيش
وطلح" تمايل كنه فرح" لملاقاي
وبير" مضاله وقت والدلو مانيش
ياقو باسي كيف شالني اخطاي
صابر وقلبي ينهشنه نواهيش
وقعدت أشيل الصوت في حين مرقاي
في مرقب مدهل لمن به نغاميش
وفكرت في دنيا له أقبال واقفاي
تمسي له بقوم" وقوم" مغابيش
من ظن بها خير" فهو تايه الرأي
دنيا الفنى تفني ملوك ودراويش
سعود بن جمعان الفطيماني - الدمام