فرحة بقدوم راعي العز سلطان الكريم

بسمة الأفراح بانت من عقب حزن الشفاه
فرحة (ن) بقدوم راعي العز سلطان الكريم
والزهور اللي ذبلت عقبه ولا فيها حياه
صارت اليوم اتراقص في البساتين وتهيم
الوطن والشعب كانوا في دعاء وفي صلاه
يطلبون اللي خلقهم يرجع الغالي سليم
واستجاب الله دعانا ما يخيّب من رجاه
ورد غالينا بسلامة صاحب القلب الرحيم
ذاك سلطان المعالي كل مجد (ن) ارتقاه
العظيم ابن العظيم ابن العظيم ابن العظيم
التواضع فيه شيمة ما يرد اللي نخاه
كم كسير الحال جاله شال بيدينه نعيم
يا أمير الخير كله ذا قصيدي وما حواه
ما يوصّف بعض طيب وجود سلطان العميم
يحفظك ربي بحفظه دايم تصير بحماه
ويلبسك ثوب السلامة ياعسى بفضله يديم