حافظك ربي للأمن والنوايف

محمد بن نايف وبتظل نايف
رغم النفوس الحاقدة والبليدة
يحفظك ربي للأمن والنوايف
ترقى بروس النايفات العنيدة
شامخ وتبقى شامخ الراس كايف
يهبا عدوك يا عسى الله يبيده
عدوانك اللي ما عليهم حسايف
من كاد لك ربي رمى فيه كيده
فتحت بابك لا بخيل(ن) وخايف
وامنت من جالك وناوي مكيده
واعثره رب الكون عالم وشايف
سبحانه وكل الخلايق عبيده
اللي حفظ بيته بحكم الصلايف
ال السعود وغيرهم ما نريده
ياخادم البيتين ريف الضعايف
الله يديمك للبلد والعقيده
ويرجع لنا سلطان ويعز نايف
ويحفظك يا محمد لنا فالشديده
يحفظك للي كلهم لك ولايف
الشعب قبل العيد بك عاد عيده
وصلوا على خير البشر في الصحايف
محمد نبي الله ختم القصيده
سارة بنت شلاح بن شلاح المطيري