سلطان الخير

ما يختلف في حب سلطان شخصين
سلطان كل الحب والحب سلطان
بقلوبنا تبقى ومسكنك بالعين
دم الخفوق اصبحت وتجري بشريان
انا اشهد انك راس كل السلاطين
يشهد على ما اقول دوله وسكان
العطف من طبعك ومن طبعك اللين
دايم جزى الاحسان مثله بالاحسان
يابو الكرم جزل العطاء موفي الدين
يمناك لاهلت عطاء فاضت امزان
عم السخاء ياسيدي كل مسكين
رمز العطاء سلطان لا هان لا هان
الطيب ما يخفى لنا دايم يبين
واكبر دليل اصبح لك الطيب عنوان
وجهك شروق الشمس لأفتحت عين
وضحكتك يانور المساء تبعد احزان
مافيه مثلك بالخلايق ترى اثنين
وما اظن مثلك في البشر يخلق انسان
فخر لنا يا سيدي سنين وسنين
وعزن لنا تبقى على طول الازمان
يوسف الخلف