سهم الغدر

يا مير ما يثنون والله مساعيك
اهل الدنس اهل النفوس الحقيره
حنا عيالك ساعة الشر نفديك
الي نوى التخريب عنّك نديره
سهم الغدر يالله عسى دوم يخطيك
وخطو العدو تقصر ودايم قصيره
الخايب المثبور عالشر ناويك
سبعين قطعه راح بيده مصيره
ما هو كفو ياسيدي لو يعاديك
خان الامانه خان حتى ضميره
فسادهم واضح ولا فيه تشكيك
زمرة جهل تبقى وتبقى ضريره
يا محمد النايف وهذي مواريك
يا سيدي الصعبه بيدينك يسيره
كل المزايا الطيبه في مباديك
يا مزبن الجالي سموك يجيره
ما هي غريبه ياسليل المماليك
يمناك للمحتاج دايم نصيره
هيبت ملك ياسيدي في معاليك
انتم سلاطين العرب والجزيره