الحمدلله رافقتك السلامة

الحمدلله ربنا رب الأرباب
الواحد المعبود خالق أنامه
نجى الأمير الشهم من فعل مرتاب
والحمدلله رافقته السلامه
والمجرم أتطاير عضامه ولعصاب
مات وتقطع في فعايل سهامه
كيده بنحره يوم يرمي ولاصاب
وسلامتك يا أمير أكبر علامه
يخسى من تحداك كذاب كذاب
من قال بالتفجير حقق مرامه
محمد المعروف في قهر الإرهاب
كسر ظهور المجرمين بحسامه
ذيبٍ وحنا كلنا حوله ذياب
ماهمنا لو طال عنق النعامه
هذا الوطن نحميه من كل مرتاب
وكل من يخرج وخالف نظامه
بارواحنا نفديه شيبه مع شاب
وحكامنا أهل الوفاء والكرامه
والخاين اللي باع دينه والأصحاب
وخالف كتاب الله وطاعة إمامه
لاتأمن الخوان حتى ولو تاب
ولاتغرك لحيته أو كلامه
لابس لباس الدين والشرع جلباب
والحقد في قلبه وداخل عظامه
يابايعن دينك ومن دون أسباب
كيف آتلاقي الرب يوم القيامه
ما تجني إلا الخزي في يوم لحساب
وما تحصد إلا العتب والملامه
صالح علي احمد المرفدي