وحدة أكيدة

الأمير خالد بن سعود الكبير شاعر مجيد له في كل مجال راقٍ بصمة.. له خطه الخاص وشاعريته الكبيرة وجمهوره العريض أهدانا هذا النص الذي لا يحتاج الى مقدمات أكبر:
دام الشريعه شرعنا والعقيده
والدين والتوحيد للدار عنوان
ودام الحكم والشعب وحده أكيده
ما همنا إيران وأذناب إيران
يا دار حنا لك دروع(ن)شديده
والخاين الغدار يخسى وينهان
حنا جنود الله وحنا عبيده
وحنا هل العوجا عمى كل شيطان
من خالف القرآن نقطع وريده
ما نرحمه في الله لو كان من كان
على العدو نشب حرب وقيده
وللمسلم الصادق محبين وأعوان
والحكم لله يفعل اللي يريده
في طاعته عشنا عزيزين وأخوان
له الثنا والحمد مد المديده
وله الشكر منا عباده وعرفان
الامير خالد بن سعود الكبير