برضي غرور القصيد بزين طاروقه من شاردات المعاني يوم اعانقها من مدلهمت سحاب الفكر وبروقه ديمومةٍ لرزمت يصعقك بارقها ربانها كن ردم المزن من فوقه رغوة حليب المغاتير وتفهقها ياقف لها المشرقي شيخ ٍ قدم نوقه ماهب ريح الشمال اللي يفرقها تمشي الهوينا مهي عجلة ومطفوقه ممشى هنوفٍ عيون الناس ترمقها تنثر مطرها كلام ٍعذب منطوقه تصغيله السمع تسترقه ويسرقها تنبت رياض الحشاء ويزم زملوقه من غب سيل الشعور ومن تدفقها يرعى به الفكر ذود الشعر ويسوقه في وسط روض ٍرياح الوسم تطرقها ينقى من المفردات اللي على ذوقه يأسر بها الباب والا الباب يعتقها كنه يضحي لسماعه بمعلوقه يقرا ردود السوالف قبل ينطقها في مجلس ٍ ماسرد به كل مسروقه مجلس كرام الرجال اللي نوافقها ندوة شرف من معين الشرع وحقوقه والعلم والعقل حيطانه تطوقها لا دار هرج النشاما وارتفع سوقه ضاعت علوم الرخوم اللي تلفقها ناس ٍ تلوك الكلام الشين وتحوقه بلسان حقد القلوب اللي مرافقها لو للردي وصمة ٍ بالوجه مدقوقه وسم الرخامة على خده مطارقها ماغر نا في نباه و زين سمحوقه دام العلامات محفوظه وثايقها
