السمر يبرق

ياما حلا شوف النشاما على الضو
ويجاذبون السالفه والقصيدة
في جال طعسً كف عنه المطرتو
ريح الشمطري والخزامى تزيدة
في ليلةً نصف الشهر مااحسن الجو
السمر يبرق صايراً له وقيدة
ودلال رسلاناً على الجال ركو
ريح البهار مع العويدي فريدة
واخيل من قبله بروقاً مع نو
نسناسها خلا حياتي سعيدة
جمعة قروماً مادخل بينهم بو
علم المراجل كل منهم يجيدة
مافيهم اللي قال يافلان قم سو
اطلب وتلقى كل شياً تريدة
تفرح اذا شفت الرجاجيل فزو
كلن على النوماس يسبق حديدة
هذا ولد عماً وهذا ولد خو
وهذا ولدخالاً وهذا عضيدة
شوف النشاما يشرح اليال والجو
ينسيك هماً في خيالك تعيدة