رد الجمايل

يالله دخيلك عن دروب الظليمه
وتصون قلبي كان صوبه تمايل
وتجعل خطاوي رحلتي مستقيمه
تسوقها مع كاسبين النفايل
من بعد ذكره هز جاشي نديمه
قوافي قامت عليه تهايل
قوافي ما عدها للبهيمه
عسفتها عسف المهار الأصايل
واقلبي اللي ما كن فيه ضيمه
كثرو هل التزوير وهل التحايل
راحت علوم المرجلة والحشيمة
مع الرجال أهل الفعول الجزايل
فعل الجمايل ما له اليوم قيمه
ولا حد يهمه كيف رد الجمايل
يلحقك في هرج القفا والنميمه
لو انت عامل في جنابه عمايل
الحين لو يكفيك شره غنيمه
تسلم من لسان الردي والفشايل
يالله عسى رد العواقب سليمه
وتنشي علينا من صدوق المخايل
وتغسل ضماير بالمعاصي مقيمه
وتشيل حقد أهل القلوب العلايل