طال السهر

الضيقه اللي حولت بين الاضلاع
يالله انا طالبك خفف اثرها
قدام لا تطيح متساوي على القاع
واشتال ذنب والذنوب تخبرها
نبشتلي علم وولع تولاع
في ليلة عيى يبين قمرها
وطال السهر ماني بويا التهجاع
يارب هون ليلتي واختصرها
حاولت اهدي نزعة القلب ما طاع
النفس كنه فارح في قشرها
كله سبايب من على حبها ماع
حب برى حالي وروحي سمرها
له طاري يطري وانا منه مرتاع
اعروق قلبي لا طرالي مزرها
وروابعي ترجعلي انصاف وارباع
قدام لا تبدي رجومه دمرها
وانا على لاما مدللة الأطباع
ميت وروحي كل يوم اتخطرها
هذي سبايب ضيقة البال وانذاع
(وهذا قدر نفسي وهذا قدرها)
نايف المقاطي