الشاعر صالح بن حمد الزيد *

واحدٍ صرت مغليه

إلا ياكود الأم تنسى ضناها
من قلب حبيته ومن قلب شاريه
ومن قلب أنا مشتاق لحظة لقاها
عليه عيني تنثر الدمع وابكيه
وأنا برجوى ليت وإلا عساها
أبيه أنا وأبيه وأبيه وأبيه
ويالله عسى عمري وروحي فداها
قلبي يوصيني وعيني توصيه
وكل يوصي صاحبه من غلاها
أحدٍ يمر ولا نفزز لطاريه
واحدٍ يمر وعيد قلبي طراها
أحلى من خلاص الحساء يا حساويه
وأحلى من التمر القصيمي حلاها
له بسمةٍ لو يضمر الورد تحييه
وله نظرةٍ ساوى مرضها دواها
وحتى سكوته بالهواء يوم اسميه
قمرا خلا والجو صافي سماها
ربي عطاه وربي اللي محليه
يالله من عين الحسود تحماها
وأخاف يرجع يوم ما عاد يمديه
ولا عاد ينفع لو تبرر خطاها
لا جاه من ينقل خبر موت مغليه
وجاني وشاف الناس تدي عزاها
* بريدة