فلاش

بعدما نقلوا الأبو.. ودخلوه مستشفى الأمل بالدمام اتصلت زوجته وقالت: الله يجزي الدولة كل خير والله لو أدري انه بينقل بها الطريقة هذي كان من زمان طلبت نقله وكنت معتمدة على اخوانه، لكن للأسف كل مشغول بهالدنيا الله يكفينا شرها.. أصلاً هم ما يبونا من سواه زوجي.
بصراحة الحين اللي ارتحت وإن شاء الله يتعالج من هالبلوى ذي اللي خلته يضرب عياله كبيرهم وصغيرهم.. ويقولهم اطلعوا للشارع اشحذوا وجيبولي فلوس عشان يشتري هالسم الهاري.. ما تدري وش كانت حياتنا اللي خلاها جحيم.
صدق.. لا قالوا المخدرات ما وراها إلاّ الدمار وخراب البيوت.. خلونا ننتبه يا ناس من هالسموم اللي صارت تدخل علينا من كل صوب وعلى كل شكل.. ونحمي عيالنا منها ويالله سترك.
الأبرق