فلاش

قبل فترة كلمني واحد وأحسبه إن شاء الله من الحريصين على هذا البلد وعياله قاللي.. ياخي ما فيه رقابة على العمالة اللي بالبقالات والدكاكين.. استغربت من سؤاله وقلت ليش.. قال أنا عندي عمارة وتحتها دكاكين مؤجرة.. واللي يشتغلون فيها بنقاليين.. وكلما جيت آخذ الأجار ألقى أطفال (عيال) صغار ما يتعدي عمر الواحد منهم (10) أو (11) سنة، ويطلبون منه باتكس ثلاث أو أربع حبات ويشرونها منه.. وشكيت بأمرهم.. وهاوشت العامل وقلتله ليش تبيع لها لبزارين الصمغ.. قال.. هذا ولد كل يوم يجي يشتري.. (يقصد إن هالأطفال كل يوم يجون ويشترون) مثل قوله ما يهمني إلا الفلوس وبس.
أكيد أنتم تعرفون وش خطورة الباتكس والتشفيط.. ولازم تعرفون خطورة بعض العمالة على عيالنا.. وعلى مجتمعنا.. وطنا.. خلونا يالربع نتكاتف ونصير حذرين.. ويالله سترك.
الأبرق