فلاش

اتصلت وقالت انا متزوجة من ثلاث طعش سنة.. زوجي يشتغل في شركة.. وظيفته زينة.. وراتبه زين.. وجبت منه ولدين وبنت.. ومن سبع سنوات صرت الاحظ فيه تغيرات وبالذات من سنتين تغير واجد عن اول.. واجهته وقلت له ترى شكلك تغير عن اول صار كأنه هيكل عظمي.. والمشكلة انه صار يتغيب عن العمل بشكل واضح حتى أن مديره يتصل علي ويطلب مني انصحه بالدوام ويقول ترى فصلته قريبة.. بس صابر عشان بيته وبزارينه.. وهو من تالي صار يدور اي شيء عشان يهاوش.. واحيانا يضربني ويهزئني ويحطمني مع اني ما قصرت عليه بشيء لا بالبيت ولا في تربية عياله.. ابي حل عشان احافظ على بيتي وعيالي..
اتضح ان زوجها مدمن حبوب كبتاجون.. وقلتلها في البداية لازم تفهمينه عن المخدرات وضررها لين يقتنع بالعلاج وبعدين حاولي بطريقتك تودينه لمستشفى الأمل يعالجونه ويتعافى من هالسموم وبعدها تقدرين تكلمين اللجنة الوطنية لمتابعة حالته وتأهيله الين يتوقف بالمرة من هالمخدرات.. ويالله سترك.
الأبرق