أضيع بزحمة الدنيا

أضيع بزحمة الدنيا وأعاني زايد الأحزان
وأعيش العالم الصاخب وفيه الفكر محتاري
وذهلت بشوفه أوضاعاً غريبه مالها برهان
أشوف اللي ردى يكرم ويجلس وضع مختاري
وليئمن فعله الخايب ولا له بالوفا عنوان
يا كثر اللي يحمدونه وهم من ضمن الأشراري
ورجل يجمع الثروة ويزعل لو وجد نقصان
ولا يعطي ولا يبذل يقول الوقت غداري
وأنا همي أشوف الطيب ومرافق اللي صيته بان
ومن يشقى على طيبه ويصاحب دوم الأخياري
سلام الله على رجل زمى في عالي البنيان
يحوف المرجله ويتعب على نعماً وله طاري
وعلى رجل فتح بيته ويكره صكة البيبان
يلين بجانبه للي شكى من كثر الأمراري
وعلى رجل رحوما ياصل القربا مع الجيران
يبر بوالديه إلي من أجله شافو أكداري
ورجل مدته جزله وضاري يكرم الضيفان
كريم والكرم يستر عيوب الشخص ويداري
وختمها بشكر الله عظيماً خالق الأكوان
وصلاة الله على طه شفيع برحمة الباري