سولف

الإهداء.. إلى حكمة معناها إذا كان الكلام من فضة فالسكوت من ذهب!
من ضيقتي قلت أسولف لك وسولف لي
أبغاك تبعد عن عيوني مخاوفها
ظنيتك اللي عن الضيقه يخففَّ لي
وما دام ذي سالفتك أرجوك وقفها
هذا أنت ياللي على بالي وعارف لي
وشلون أجل غيرك أتحمَّل سوالفها
أحسن لي أسكت وأعيش همومي أصرف لي
عايشهن القلب وهمومه موالفها
في كل دربٍ ردي الحظ واقف لي
وإن كان يخفاك وضعي حالتي شفها
إنسا وإذا قلت سولف لا تسولف لي
ولاَّ ترى شوفتك ما نيب عايفها