الواقع

أرفض ليالي الذل والحزن والبين
وأرفض جروحن بالحشا مستكينه
وأرفض جروح الغدر لو هي بعد حين
وأرفض تشكلني كما كنت طينه
سافرت رحت وجيت ما قلت لي وين؟
أدخل علي الله لا تزيد الغبينه؟
أرفض تقلد من عذابي نياشين
وأليا متى ببقا لظلمك رهينه
ما يوم كذبتك ولو قلت تدرين؟!
الشمس كوكب والمجره سفينه!!
ولو قلت لندن حولوها إلى الصين؟
وشط الفرات أصبح على حد سينة!!
ولو قلت (هتلر) هو أبناخي (لينين)
وقصر الكرملن صار يم المدينة!
ورزفلت وريغن من شيوخ القحاطين
وألبرايت وتاتشر من قبيلة جهينه!!
وأن الهرم أحد معالم فلسطين؟!
وأن القمر ما عاد له أي بينه؟!
أرخصت لجلك ناس كانوا قريبين
وصدقت كل اللي تقوله بحينه!!
حتى بقرارك ما عدلت الموازين!!
يا صاحب راح العمر وأقفت أسنينه!!
يا سيدي أرجوك أبطلبك شيين؟
ما بيك تمدحني ولا تقول شينه!!