وشلون بفرح والفرح صك بابه ؟!

متضايقٍ قلبي من فراق غالين
وشلون يصبر قلب فاقد صوابه
الحال من فرقا الحبايب غدا شين
والكون والله ضاق ما به رحابه
يا غايبه من يوم غبتي عن العين
وشلون بفرح والفرح صك بابه
من دونك الايام ما عاد به زين
حيثك هوى روحي وأنتي زهابه
يا بنت والله غيبتك عدها أسنين
أسبوع لكن ما حسبنا حسابه
تدرين وش يطري على فكري الحين
أطير وأصلك مع أول سحابه
أخذك يم دربٍ مشوه المحبين
ونعيش كل الوقت ما به كآبه
ونكتب حكاية عشق ما بين قلبين
قصة غرام اثنين كلٍ حكابه
ونقول للعشاق في عام الالفين
ان الهوى باقي وباقي شبابه
عبيد الغشام