شكواي

الإهداء.. إلى ضمائر يستوطنها الحب الصادق..
أكبر من التعبير في حال دعواي
مثل الوفا ما له حدود ونهايه
روح الشعور اللي ملت روح دنياي
تجاوزت في منزلتها غلايه
وتوثيق ميثاق الغلا في حناياي
أسمى المبادي فيه للقلب غايه
ترسي مراكبها العزيزة بمعناي
وترفع لمن يصدق لغاليه رايه
مضمونها نبضٍ صراحته مبداي
لو كان مبدأ للخلايق خفايه
متسلسلٍ بأسمى المشاعر من أقصاي
على وتر جرح الخفوق وعنايه
والله درى عن غيب الأيام وش جاي
لجروح قلبٍ فيّ منها الكفايه
تجاوزت بأحساسها نار شكواي
وتجاوزت كل الشعور بغلايه