شكواي

أكبر من التعبير في حال دعواي
مثل الوفا ماله حدود ونهايه
روح الشعور اللي ملت كل دنياي
تجاوزت..في منزلتها غلايه
وتوثيق ميثاق الغلا في حناياي
أسمى المبادي فيه للقلب غايه
ترسي مراكبها العزيزة بمعناي
وترفع لمن يصدق لغاليه رايه
مضمونها نبض(ن) صراحته مبدآي
لو كان مبدآ للخلايق خفايه
متسلسل(ن) بأسمى المشاعر من اقصاي
على وتر جرح الخفوق وعنايه
والله درى عن غيب الأيام وش جاي
لجروح قلب(ن) فيّ منها الكفايه
تجاوزت بإحساسها نار شكواي
وتجاوزت كل الشعور بغلايه