فقيد الاجواد

* رثاء في الفقيد الشيخ عبدالعزيز بن جامع العتيبي رحمه الله أمير الفوج الخامس بالحرس الوطني وشيخ قبيلة الروسان
للي لقى امن الموت قسوه وتعذيب
الله خذا بالموت حتى حبيبه
هو منهو اللي صافيتله مشاريب
وقته ولا جاته ليال تعيبه
البارحه من دون شك ولا ريب
راضي من الله بالفرح والمصيبه
اعزي عتيبه في ابن جامع الطيب
يذكر الياعدو هل الطيب طيبه
مرحوم يا شيخ تعلى المراقيب
رام المعالي وانثنت له بهيبه
الله يوردك الجنان المعاذيب
ويجنبك كل الدروب العصيبه
يا باذل المعروف موفي المواجيب
سيل تحدر ثم تباهي شعيبه
عز الله إنك وأنت يا جامع الطيب
فقيده الاجواد ما هو عتيبه