الحيا

يالله المطلوب ياجزل العطيه
ياعليم بالعلن مع السراير
ربي لا تجعل حياتي لك شقيه
واغفر ذنوبي الكباير والصغاير
زين مشا فالبراري الخليه
والمطر سيله يجير فالزباير
وزين شوف العشب عند الغيثانيه
مقصر صحه وعفوه له دواير
من جلس وسط الحيالا واهنيه
يشرح باله ولا عنده بواير
خص لامني تمشيت ضحويه
مع فريق ما يحسب للخساير
حبني للي يطيع الله وليه
طايع ربه ولا يعمل كباير
وحبني لهل الوفا واهل الحميه
الرجال اللي معرفتهم تجاير
وختمها صلو على محمد نبيه
عد من زار الحرم وايا الشعاير
سالم مبارك الدوسري - الافلاج