الحظ

عديت أنا عالي المرقاب عصريّه
من همي اللي يحوف القلب ويلوفه
هذي هموم ثقيله نارها حيّه
تشوي ضلوع المحاني تسطلي جوفه
لا قلت هانت تجيك هموم مخفيّه
وسهوم غدر الزمان اليوم معروفه
الوقت قاسي طعونه باينه وفيّه
لا تامن الوقت مهما كانت ظروفه
يا حظ خلك صريح ومخلص النيّه
مالك ومال العناد وزمرت صفوفه
وقفت لي فالطريق وصرت دورّيه
وانا نظامي تشوف الطيب بكفوفه
زرعت شوك المآسي كلها ليّه
اشوفها في طريقي كوم مصفوفه
وصكيت باب السعادة في حراويه
وغيري مهور السعاده جته معسوفه
مديت لك كفي اليمنى وعانيّه
واخلفت ظني وقلبي زايد خوفه
مما جرالي حبالي منك مثنيّه
والفكر شارد وشمسه دوم مكسوفه
ابيك ليّه ولو واحد على ميّه
اعيش عيشة هنى في عز ومروفه
محمد مرزوق السميري