فلاش

زارني في المكتب للسلام بعد توقفه عن تعاطي المخدرات من سنتين، ولا هو لابس ومتزكرت قلتله تغيرت يا فلان عن أول واجد وزانت صحتك.. قال أبشرك أحوالي تحسنت أكثر من أول وتزوجت وجاني ولد.. قاطعته.. قلت أنا أذكرك من (10) سنوات ودايم ترجع للمخدرات وش السبب الرئيسي اللي يخليك ترجع لها السموم.. قال.. تبغى السبب بصراحة للأسف أبوي الله يرحمه وأمي. وأنا طفل حصل بينهم طلاق.. إذا رحت لبوي طردني.. وإذا رحت لأمي طردتني وقالت رح لبوك.. وطحت بالمخدرات إن بغيت الحشيش ولا الحبوب وختمتها بالهروين.. وانتكست حول (16) مرة.
لكن أبشرك تعافيت وزانت أحوالي.. وإن ،شاء الله ما أرجع لها المخدرات مرة ثانية وولدي اللي "جا" إن شاء الله ما يشوف اللي شفته ما دام راسي يشم الهواء بحول الله وقوته.. وتبي الصدق الأسرة هي الأساس في أمور التربية ونحتاج إلى إننا نفكر بعيالنا قبل ما نفكر بالطلاق.. ويا الله سترك.
الأبرق