بشتٍ حساوي صنعة يدين خبرات ملبوس ضافي مختلف لون وألوان

البشت له تاريخ من ماض الازمان
يجمّل اللي دايمٍ يلبسونه
في مجتمعنا رمز والرمز عنوان
واللي يحيكون الزري يعرفونه
واللي على كتفه يقيسه بميزان
يبين في لبسه من اعلى متونه
سليمان بن عبدالعزيز السنيدي - الرياض
إن بغيتم عندنا لبسٍ جديد
أحلى القصب نِزيِّنه في مشلحك
ياما يجونا مِن قِريبٍ .. وبعيد
من شاف لبسه في مثيله ينصحك
هي للعرب دايم من اللبس المجيد
ويزهى جمالك يا عريس بمشلحك
سعود عايش الحربي - جدة
مهنه لها في داخل القلب مقدار
توارثوها اسلافنا من الجدودي
حياكة المشلح شغلة تسحر الأنظار
هيبه وشخصيه والعالم شهودي
خالد بن ناصر المخيمر - روضة سدير
بشتٍ حساوي صنعة يدين خبرات
ملبوس ضافي مختلف لون وألوان
طال الزمان وقيمته تجدد حضارات
أنواع واشكاله مثل وصف بستان
في حاجته تسوى صروح وعمارات
وكل على ذوقه له الطيب عنوان
حمد عبدالله الوايلي - حوطة سدير
صناعة البشت في الواقع سعوديّه
والحاجة لملبسه في الجوّ قَوّتْها
وهو ترى من حِرفنا اللي يَدَويّه
عام الحِرف خُطّته تجديد قِوّتها
هو زِيّنا يوم كلٍّ يفخر بزيّه
أصله عباءةْ وفي التاريخ قصّتها
محمد مقحم المقحم - الرياض
نرحب بمشاركاتكم الشِّعرية،
وما تلتقطه عدساتكم من الصور الهادفة والطريفة على إيميل الخزامى:
rb-khozama@alriyadh.com
صورة العدد السابق