ترى الفروسية من أسباب الأمداح واللي على جنب الفرَس يمدحونه

يا جوده الخيال ويا شطر المهاره
الفرس جابت جهدها ولوح في ظهرها
محتزم ومجهز حاله في اشاره
ما عليه من الخطر حيث انه سبرها
ضاري بالفروسيه مع الجداره
مروض خيله في ميادينه جبرها
حمد عبدالله الوايلي - حوطة سدير
ترى الفروسية من أسباب الأمداح
واللي على جنب الفرَس يمدحونه
شوي ويسيطر عليها وترتاح
ويصفّق الجمهور ويشجّعونه
يلبس شعار المملكة وين ما راح
أخضر مع أبيض ما يبي غير لونه
محمد مقحم المقحم - الرياض
حي الخيال اذا امتطى صهوة الخيل
لوح عليه بجسمه وجود اعنانه
تكز عليه السرج وخفف له الشيل
تواسى على ظهره ووثق بطانه
الخيل نعمه يا اهل البن والهيل
ياما عليها ذاقت العدوان المهانه
خالد بن ناصر المخيمر - روضة سدير
فارس يِلَوِّح فوق صهْوة حصانه
في فن راقي مِن فنون الفروسيه
والعرب والخيل تاريخ عنوانه
وجودهم بالارض حاجه ضروريه
والكل منهم جوهره في زمانه
وعاشوا حياةٍ بالبراري سِوِيه
والكل فرحانٍ وابدى امتنانه
باهتمام المملكه بالفروسيه
سعود عائش الحربي - جدة
نرحب بمشاركاتكم الشِّعرية،
وما تلتقطه عدساتكم من الصور الهادفة والطريفة على إيميل الخزامى:
rb-khozama@alriyadh.com
صورة العدد