إن النّخَل لو يبس عذقه والعسيب تبقى جذوعه شاهداتٍ عن نِباه

ياماحلا النبت الخضرفي بلادي
لكن بعض النخل يبغى عنايه
البعض منها حي والبعض غادي
ترى النخل لاهل الزراعات غايه
يا ماحلا الخُرفه ليا صار قادي
و الله ذكرها في كتابه بلايه
محمد عبدالله الشهري-جبل اثرب
قِلَّة المي او ضِعيف الرعايه
خلَّا النخل ما بين ميِّت وضميان
وبعد الخضار اللي للانظار غايه
راح الخضار وسوِّدت جِل الاغصان
محْلى القدوع ابجو خالي مِن الحايه
وفنجال صبح بينها او مِسيَّان
سعود عائش الحربي- جده
راحت سنين العمر يا نخلة الخير
بعد العطاء والفضل صرتي عديمه
ماباقي الا الكرب واعشاش العصافير
والصوره اللي لقلوبنا صارت اليمه
ياما عطيتي من التمر من دون تقصير
عزالله انك يا نخلتنا افضل كريمه
مذكورة بالقران وعيسى توه صغير
وصارت شعار للممكله من العصور القديمه
خالد بن ناصر المخيمر- روضة سدير
الصورة اللي شكلها ما هو غريب
موجودةٍ في نجد وبْكلّ اتّجاه
مدلولها يفهم له الشخص الأريب
ما هوب باغٍ شرح توضيح مْعناه
إن النّخَل لو يبس عذقه والعسيب
تبقى جذوعه شاهداتٍ عن نِباه
المملكة تنبت بها خِضر الرطيب
ما مات منها جا بداله في الحياة
الله يديم الأمن ويْقوّي النصيب
قوّ الزراعة للوطن يِكمل بناه
محمد مقحم المقحم - الرياض.
روس النخيل اللي جذوعه محاديب
ماضي زمانه وفاني البعض منها
واليوم صارت خاليه من مناديب
بحيالة نبت الرعي بان منها
في وقت راح كانت غصون مهاديب
متوارفه والخيرموجود فيها ومنها
ويادارصارت ارضك ارض مجاديب
مهجوره مافيه ماكن حي سكنها
حمد عبدالله الوايلي - حوطة سدير
يبقى النخل شامخ ولو كان قد مات
هو رمزنا وتاريخنا في انتصاره
تعليق في الصورة على ماضي(ن) فات
رمز التلاحم بين جار(ن) وجاره
هذا شموخ أمجادنا له دلالات
سيفين مع نخله ورمز الحضاره
سليمان بن عبدالعزيز السنيدي
نرحب بمشاركاتكم الشِّعرية،
وما تلتقطه عدساتكم من الصور الهادفة
والطريفة على إيميل الخزامى:
rb-khozama@alriyadh.com
صورة العدد