يشفي غليل اللي على الخرب قصاص لا شاف زول الصيد ما به مروفه

الصقر له ميزه على كل طاير
صيد له ويصيد للي مربيه
تلقاه يم الغرب والشرق ساير
في البراري قاس سهله وعاليه
ليا شاف صيده جاك بالحال غاير
طير الحباري دايمٍ له ضحيه
محمد عبدالله الشهري - مكة المكرمة
طيرٍ بذا المشهد عالخرب لا انقَض
قِل لِقنَّاصه تِولَّم غَداه
والطير بسبوقه شلع مِن على الأرض
وليا منح حريته جاب مغْزاه
وبتوفيق ربي ثم لا قام لك حَض
والطير حرٍ جاب لك ما تمناه
سعود عائش الحربي - جدة
أيام القنص يفرح بها كل قنّاص
يتعب على طيره ويفرح بشوفه
لا حلق في جو السماء تقل إيرباص
ما به ولا صيده على الأرض تطوفه
يشفي غليل اللي على الخرب قصاص
لا شاف زول الصيد ما به مروفه
احكم عليه بقبضةٍ كنها ماص
ومخالبه تمكنت من وسط جوفه
خالد بن ناصر المخيمر - روضة سدير
صقرٍ فريد وفي السماء دوم عالي
فيه الشجاعه والذكاء يبعد الحوم
صيده سمين ولا يصيد الهزالي
واللي يعشق الصقر ما هوب مليوم
سالم الدوسري - الرياض
نرحب بمشاركاتكم الشِّعرية، وما تلتقطه عدساتكم
من الصور الهادفة والطريفة على إيميل الخزامى:
rb-khozama@alriyadh.com
صورة العدد