يازين هد الطير ياسعود يازين بارض فضاء فيها للحبارى مواري

يازين هد الطير ياسعود يازين
بارض فضاء فيها للحبارى مواري
الطير شكله حرولا فيه. تخمين
فعله يبشر بالعشاء يابو ضاري
صالح البشري
في فلاةٍ بها خضرةْ وعالَم طيور
يظهر الصيد ولعةْ، مار، قل وش يجيب؟
والمصيبةْ من انسانٍ بصيده يجور
مانعٍ للتكاثر في وطنّا الحبيب.
الطيور بْصحارينا سواة الزهور
كلها في الحقيقة ذات شكل عجيب.
جالبٍ للسعادة والفرح والسرور
صوتها في الصباح وقبل وقت المغيب.
محمد مقحم المقحم - الرياض.
شوف الخزامى اللي يسرك اليا جيت
ترتاح له نفسك ويزيدك سعاده
في وسط قاع ما تمله لو تعنيت
متخالطه ازهاره ما تقول الا سجاده
والخرب يتهاوش مع الحباري وش خليت
في منظر تشوف به فرض الاراده
بشمال المملكه اللي من القلب حبيت
تنعشك الاجواء ولو تزايد براده
خالد بن ناصر المخيمر. روضة سدير
الصقر وسط البر صايد قراه
ليا هد ما يرجع بدون الغنايم
قرناس له بالصيد قوة جراه
فوق البراري دايم الوقت حايم
يصيد بالصحرا و ضلع السراه
ليا حرك الجنحان جاب الولايم
محمد عبدالله الشهري- جبل اثرب
يالوع قلبي لوع طير راح صيد صقور
فل الجناحين حاول ماحصله مطيره
هوى عليه الحر الأشقر حالته مخبور
ينوشه بمخلابه وينثر الريش ويثيره
صقر يعشي صاحبه كل ليل طيور
باين من الصوره مايبي زود تفسيره
ياراعيه حافظ عليه ولاتقبل الشور
تراه طير اصيل ينومس كل تقريره
حمد عبدالله الوايلي . حوطة سدير
سهم المنايا الحر منقض ع الخرب
والخرب لحظاتٍ ويصبح 000غداه
بَرْضٍ صحاحٍ جرْهدٍ كلها درب
ما فيها مِن نغَّص صباح او مِساه
ولا شاف حومِه مِن طيور السما00 سِرب
جوْله تِبعثر وايقن الموت قِد جاه
سعود عائش الحربي . جدة
صورة العددالسابق
نرحب بمشاركاتكم الشِّعرية، وما تلتقطه عدساتكم من الصور الهادفة والطريفة على إيميل الخزامى:
rb-khozama@alriyadh.com