لبنه وطينه والعرق يبلل الثوب والناس مبسوطه ولو به كسافه

خذ اللبنه يا أستاد
والطينه معها تبنيها
هذا البنيان المعتاد
وتسمع أبيات يغنيها
بنوها من عصر اجداد
يعرف اسم اللي بانيها
هذولا رجال(ن) اجواد
همتهم مااحد(ن) ناسيها
سليمان بن عبدالعزيز السنيدي - الرياض
لبنه وطينه والعرق يبلل الثوب
والناس مبسوطه ولو به كسافه
قامت بيوت الطين يشهد لها الطوب
وتشيدت رغم العناء .... والمسافه
يابوي ياللي بالبلد صرت محسوب
هاذي بيوتك شامخه والكل شافه
ماباقي منها غير عمدان ودعوب
صارت لجيل اليوم ذكرى ومخافه
خالد بن ناصر المخيمر- روضة سدير
يا باني المنزل على طيّب الساس
تحيا السواعد شمروها النشاما
مجهودكم والله على العين والراس
هذا العمل قدام خمسين عاما
و اليوم مبنانا مسلح بمقياس
عليه رخصه للبنا بالنظاما
محمد عبدالله الشهري- مكة المكرمة
منازل الاجداد باللبن والطين
تبنى مِن الاحفاد فخرٍ او تذكير
طِين البنا امسكه جيد باليدين
وشِيد البنا وخلك بِه شِطير
ما تِنعدم آثار من طول او لسنين
دام بِه مِن عزَّها شيخ او صغير
سعود عائش الحربي - جده
ويشمر الطينه على اللي قابله
فوق سور الطين توه بارتفاعه
في مباني عصر فات فيه وعابله
وياتراث راح والماضي شفاعه
جددوها اليوم في مجد جابله
عزه الي فات يوم خيله سافعه
منظربين المناظر صوره نابله
جيل ثم جيل والزمان مصافعه
حمد عبدالله الوايلي - حوطة سدير
من الصور الهادفة والطريفة على إيميل الخزامى:
rb-khozama@alriyadh.com
صورة العدد